Տեղեկատվական կենտրոն
Նորություններ
Սյունիքում աճել է համաշինարարական աշխատանքների ծավալը
29.01.2011
Անցած տարի Սյունիքում իրականացված համաշինարարական աշխատանքների ծավալն աճել է 6 տոկոսով։ Մարզպետարանի աշխատակազմի քաղաքաշինության ու տրանսպորտի վարչության` տվյալներով` 2010 թվականի ընթացքում մարզում իրականացվել են շուրջ 9,95 մլրդ դրամի համաշինարարական աշխատանքներ, որից 2,64 մլրդ դրամի կապիտալ շինարարության եւ 7,3 մլրդ դրամի հիմնանորոգման ու նորոգման աշխատանքներ։
Միայն ճանապարհաշինարարության բնագավառում կատարվել է ավելի քան 7 մլրդ դրամի կառուցման, հիմնանորոգման եւ պահպանման աշխատանք։ Հատկանշական է, որ 2010 թվականին աշխատանքների ընդհանուր ծավալի մեջ աճել է կապիտալ շինարարության բաժնեմասը։ Եթե 2009-ին այն կազմել է ընդհանուրի 10,9 տոկոսը կամ 1,02 մլրդ դրամ, ապա 2010-ին այն հասել է 26,5 տոկոսի կամ 2,64 մլրդ դրամի։