Տեղեկատվական կենտրոն
Նորություններ
ԱՅՑ ՏԱՐՎԱ ԱՌԱՋԻՆ ՍՅՈՒՆԵՑԻ ՆՈՐԱԾԻՆՆԵՐԻՆ
02.01.2019
Հունվարի 2-ին Սյունիքի մարզի բոլոր բժշկական կենտրոնների ծննդաբերական բաժանմունքներ են այցելել Սյունիքի մարզպետի տեղակալները՝ մարզպետ Հունան Պողոսյանի անունից շնորհավորելու 2019-ին լույս աշխարհ եկած փոքրիկներին եւ իրենց մայրիկներին: Կապանի, Գորիսի, Սիսիանի, Քաջարանի եւ Մեղրու բժշկական կենտրոններում նրանք մարզպետարանի կողմից նվերներ են հանձնել բաժանմունքներում գտնվող 14 նորածնի, իսկ այն փոքրիկ սյունեցիները, որոնք ծնվել են տարվա առաջին օրը՝ հունվարի 1-ին (3 բալիկ), «Սյունիքի զարգացման եւ ներդրման հիմնադրամից» նաեւ 50 հազարական դրամ կստանան: