Սյունիքի մարզպետի աշխատակազմ

ՀՀ ազգային փոքրամասնություններից Սյունիքի մարզում հիմնականում բնակվում են ռուսները: Կապան համայնքում գործում է «Россияне» ռուս-հայկական հասարակական կազմակերպությունը, որը առաջին դասարանցիների համար կազմակերպում է անվճար դասընթացներ, Հայաստանում Ռուսաստանի Դաշնության դեսպանատան աջակցությամբ անց են կացվում ռուսաց լեզվի ուսուցիչների վերապատրաստման դասընթացներ,

 կոնֆերանսներ,մրցույթներ, միջոցառումներ, նշվում են հայ և ռուս գրողների ծննդյան օրերը:

2019թ. փետրվարի 1-ից 35 առաջին դասարանցիների համար կազմակերպվել է 4-ամսայա անվճար դասընթացներ:

Կապանի թիվ 13 հիմնական դպրոցում  գործում են ռուսերենի  ուսուցմամբ դասարաններ, որտեղ սովորում են 1-ից 9-րդ դասարանի 21 աշակերտներ՝ ռուսական ծրագրերով և  ռուսերեն դասագրքերով: 17 հոգին ազգությամբ հայ են, 4-ը՝ ռուս:

Կապանի թիվ 1, թիվ 3, թիվ 13, Գորիսի թիվ 6 հիմնական դպրոցները  ռուսաց լեզվով  խորացված ուսուցմամբ դպրոցներ են, որտեղ ուսուցումն իրականացվում է 1-ից 9-րդ դասարանների ուսումնական պլանով, հատուկ ծրագրերով, դասագրքերով և մեթոդական ձեռնարկներով:

Ռուսաց լեզվով խորացված ուսուցմամբ դպրոցներում ազգային փոքրամասնության ներկայացուցիչներ չկան:

Մարզում բնակվող ռուս համայնքի ներկայացուցիչները մասնակցում են ՌԴ բուհերի  համար կազմակերպվեղ ընդունելությանը՝ ավարտելուց հետո Հայաստան վերադառնալու պայմանով:

Երևանում գիտության և մշակույթի ռուսաստանյան կենտրոնի կողմից մարզի  ռուսաց լեզվի ուսուցիչների համար անց են կացվում  վերապատրաստման դասընթացներ:

2005 թվականից Կապանի Շ. Մովսիսյանի թանգարանում գործում է «Ռուս-հայկական անկյունը»:

Ոլորտը կարգավորող իրավական ակտերին կարելի է ծանոթանալ հետեւյալ հղումով.

 http://www.gov.am/am/staff-structure/info/74/