Տեղեկատվական կենտրոն
Նորություններ
Այս տարվա առաջին ՏԻՄ ընտրությունները` Սյունիքում
11.01.2011
Կապանի տարածաշրջանի Ձորաստան եւ Անտառաշատ համայնքներում հունվարի 9-ին անցկացվեցին Սյունիքի մարզում այս տարվա առաջին տարածքային ինքնակառավարման մարմինների ընտրությունները։
Թիվ 38 ընտրատարածքային ընտրական հանձնաժողովի տեղեկացմամբ` Ձորաստանում համայնքի ղեկավարի ընտրություններին 64 ընտրողից քվեարկությանը մասնակցել է 41-ը, որոնցից 39-ն իր ձայնը տվել է առաջադրված միակ թեկնածու, գործող գյուղապետ, «Հայաստանի Հանրապետական» կուսակցության անդամ Ավետիս Ավետիսյանի օգտին։
Անտառաշատում 104 ընտրողից համայնքի ավագանու ընտրություններին քվեարկությանը մասնակցել է 53-ը։ Առաջադրված 5 թեկնածուներն էլ ստացել են համապատասխան քվեներ։ Թեկնածուներից 4-ն անկուսակցական են, իսկ մեկն անդամակցում է «Բարգավաճ Հայաստան» կուսակցությանը։