Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Վարչապետ Սարգսյանը պարգեւատրել է «Իմ համայնքը» խորագիրը կրող շարադրության մրցույթի հաղթողներին

28.05.2011

Վարչապետ Տիգրան Սարգսյանն այսօր Ազգային պատկերասրահում մասնակցել է «Իմ համայնքը» խորագիրը կրող շարադրության մրցույթի ամփոփմանը։ Մրցույթը, որին մասնակցել են հանրապետության մարզերի 150 եւ Երեւանի 50 հանրակրթական դպրոցների 9-11-րդ դասարանցիները, կազմակերպվել է Հայաստանի Հանրապետության տեղական ինքնակառավարման մարմինների կազմավորման 15-ամյակի հոբելյանական միջոցառումների շրջանակներում։
Լավագույն շարադրության հեղինակ են ճանաչվել եւ գլխավոր մրցանակի արժանացել Սյունիքի մարզի Խնձորեսկ համայնքի միջնակարգ դպրոցի 11-րդ դասարանի աշակերտ Վահագն Գալստյանը, Գեղարքունիքի մարզի Սեւան քաղաքի Խաչատուր Աբովյանի անվան ավագ դպրոցի 11-րդ դասարանի աշակերտուհի Սոնա Ալեքսանյանը եւ Երեւանի թիվ 105 ավագ դպրոցի 10-րդ դասարանի աշակերտուհի Անի Ասլանյանը։
ՀՀ վարչապետ, ՏԻՄ համակարգի ներդրման 15-ամյակի հոբելյանական հանձնաժողովի նախագահ Տիգրան Սարգսյանն ընտրված լավագույն շարադրությունների հեղինակներին պարգեւներ է հանձնել։
Մրցույթում հաղթած բոլոր 14 աշակերտների ուսուցիչները պարգեւատրվել են ՀՀ կրթության եւ գիտության նախարարության շնորհակալագրերով, իսկ ՀՀ տարածքային կառավարման նախարարությունը դպրոցներին նվիրել է Ֆրիտյոֆ Նանսենի 15 հատորյակը։
Ավարտին մրցույթին մասնակցած աշակերտները լուսանկարվել են վարչապետի հետ։
Աշակերտների խնդրանքով վարչապետ Սարգսյանը մակագրել է նրանց հանձնված գրքերը։
   

                               Աղբյուրը` ՀՀ կառավարության տեղեկատվության եւ    հասարակայնության հետ կապերի վարչություն
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-04-15 12:48:16