Տեղեկատվական կենտրոն
Նորություններ
Սյունիքում մեկնարկել է «Լավագույն մարզական ընտանիք» մրցույթի տարածաշրջանային փուլը
10.06.2011
ՀՀ նախագահի մրցանակի համար անցկացվող «Լավագույն մարզական ընտանիք» մրցույթի նկատմամբ Սյունիքում տարեցտարի աճում է հետաքրքրությունը։ Անցած տարի միայն Կապանից մրցույթին մասնակցել է 21 ընտանիք, իսկ այս տարի մասնակցության հայտ է ներկայացրել 34 ընտանիք։
Մրցույթի տարածաշրջանային փուլը Կապանում կանցկացվի հունիսի 12-ին, իսկ հունիսի 9-ին այն անցկացվել է Սիսիանում, որին մասնակցել է 18 ընտանիք ոչ միայն Սիսիան քաղաքից, այլեւ տարածաշրջանի գյուղական համայնքներից։ Նրանցից 9 ընտանիք երեք տարիքային խմբերում ճանաչվել են լավագույնը եւ այս ամսվա վերջին Կապանում կմասնակցեն մրցույթի մարզային փուլին։