Սյունիքի մարզպետի աշխատակազմ

Սյունիքի մարզում առկա 399 համայնքային ծառայողի պաշտոններից թափուր է 38-ը։ Դրանցից 11-ը, օրենքով սահմանված կարգով, լրացվել են ժամկետային աշխատանքային պայմանագրեր կնքելու միջոցով։ Համայնքային ծառայողի թափուր պաշտոնների համար մարզում արդեն հայտարարվել է 28 մրցույթ, որոնցից մի քանիսն արդեն կայացել են։ Ըստ մարզպետարանի աշխատակազմի ՏԻՄ եւ համայնքային հարցերի բաժնի, մրցույթների ժամանակ խիստ կարեւորվում են դիմողների գիտելիքներն ու աշխատանքային փորձը։ Օրինակ' Հացավան համայնքում համայնքային ծառայողի թափուր պաշտոնի համար առաջադրված 2 թեկնածուներից եւ ոչ մեկը չի անցել' համակարգչային գիտելիքներ չունենալու պատճառով։