Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Խնձորեսկում հիմնանորոգվում է խմելու ջրի ներքին ցանցը

27.07.2011

Պետբյուջեի միջոցներով Խնձորեսկում ընթանում են խմելու ջրի ներքին ցանցի հիմնանորոգման աշխատանքներ: Այդ նպատակով նախատեսված է հատկացնել 35 մլն դրամ: Արդեն կատարվել է նախատեսված աշխատանքների մոտ 50 տոկոսը: Գյուղապետ Սերյոժա Հայրապետյանի հավաստմամբ`գյուղի ջրատարը վթարային վիճակում էր, այստեղ ջրի կորուստները կազմում էին ավելի քան 40 տոկոս: Վերջինիս կարծիքով տրամադրվելիք գումարը չի բավականացնի ամբողջ ցանցի նորացման համար, այդ պատճառով նախատեսել են միայն փոխել մայր գծերն ու բաժանարարները, տեղադրել ջրաչափեր: Նախկինում գյուղացիներին ջուրը հավասար չափով չէր բաշխվում, կլուծվի նաեւ այդ հարցը: Շնորհիվ կորուստների կրճատման եւ ջրաչափերի տեղադրման' նախկին 2-3 ժամվա փոխարեն գյուղի բոլոր 500 տնտեսությունները կապահովվեն օրական 22-ժամյա ջրամատակարարմամբ:
Խնձորեսկի ջրամատակարաման համակարգը համայնքային սեփականություն է, եւ մատակարարվող ջրի ախտահանման աշխատանքները կիրականացվեն գյուղապետարանի կողմից: Գյուղն ունի նաեւ ոռոգման ջուր, որը, գյուղապետի խոսքով, բավարարում է գյուղացիների 90 տոկոսի պահանջարկը:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-06-21 15:11:02