Սյունիքի մարզպետի աշխատակազմ

Անցած ուստարում հանրակրթական դպրոցների ղեկավարման իրավունք ստանալու համար կազմակերպված դասընթացներին և հավաստագիր ստանալու նպատակով անցկացված գրավոր և բանավոր քննություններին Սյունիքի մարզից մասնակիցների արդյունքները գոհացուցիչ են: Ըստ մարզպետարանի կրթության, մշակույթի և սպորտի վարչության տրամադրած տվյալների՝ մարզի դպրոցների 90 տնօրեններից հավաստագիր է ստացել 78-ը: Քննությունները հաջող հաղթահարել և հավաստագրի է արժանացել նաև 30 ուսուցիչ: Անհաջող արդյունքներ Է ցուցաբերել 6 տնօրեն: Եվս 6 տնօրեն չի մասնակցել մրցույթին: Նրանց մեջ կան նաև թոշակառուներ:
2011թ առաջին կիսամյակի ընթացքում տարբեր առարկաներից վերապատրաստվել են մարզի 1524 ուսուցիչ և դաստիարակ: Նախապատրաստական աշխատանքներ են կատարվել ուսուցիչների ատեստավորման աշխատանքների կազմակերպման ուղղությամբ: Արդեն ՀՀ ԿԳ նախարարություն է ներկայացվել ատեստավորվող ուսուցիչների անվանացանկը: