Տեղեկատվական կենտրոն
Նորություններ
ՀՀ Սյունիքի մարզպետ Սուրիկ Խաչատրյանի շնորհավորական ուղերձը բուժաշխատողի մասնագիտական տոնի առթիվ
21.06.2012
Հարգելի բուժաշխատողներ,
Ի սրտե շնորհավորում եմ ձեզ մասնագիտական տոնի առթիվ: Այս տոնը իրավամբ բարի ավանդույթ է դարձել մեզանում և հնարավորություն է տալիս արժևորել բուժաշխատողի դերն ու նշանակությունը:
Բոլոր ժամանակներում մեր ժողովուրդը խորին հարգանքով ու ակնածանքով է վերաբերվել բժշկի մասնագիտությանը:
Սիրելի բուժաշխատողներ, հավատարիմ մնալով Հիպոկրատի ձեր երդմանը, դուք միշտ արժանիորեն եք կատարել ձեր աշխատանքը, խորապես համոզված լինելով, որ հենց դրանից է մեծապես կախված կյանքում ամենակարևորը` մարդու առողջությունը:
Այսօր էլ մեր ուշադրության կենտրոնում է առողջապահության համակարգը, և մենք անում ենք հնարավորը` լուծելու ոլորտում առկա հիմնախնդիրները, ստեղծելու ժամանակակից պայմաններ` բնակչության բուժսպասարկումը պատշաճ մակարդակով ապահովելու համար:
Կրկին շնորհավորում եմ ձեզ մասնագիտական տոնի առթիվ և մաղթում քաջառողջություն, երջանկություն ու նորանոր նվաճումներ ձեր չափազանց բարդ ու պատասխանատու աշխատանքում: