Սյունիքի մարզպետի աշխատակազմ

ՀՀ Սյունիքի մարզպետ Սուրիկ Խաչատրյանի օգոստոսի 17-ի կարգադրությամբ, մարզպետարանի աշխատակազմի կրթության, մշակույթի և սպորտի վարչության պետի ժամանակավոր թափուր պաշտոնը զբաղեցնելու համար Լևոն Մարգարյանի հետ կնքվել է ժամկետային աշխատանքային պայմանգիր` մինչև քաղաքացիական ծառայության օրենսդրությամբ նախատեսված ժամանակավոր թափուր պաշտոն առաջանալու հիմքի վերացումը: Մինչ այդ Լևոն Մարգարյանը զբաղեցրել է “Քաջարանի թիվ 1 միջնակարգ դպրոց” ՊՈԱԿ-ի տնօրենի պաշտոնը: Նրա փոխարեն դպրոցի տնօրենի պաշտոնակատար է նշանակվել նույն դպրոցի հայոց լեզվի և գրականության ուսուցչուհի Անահիտ Գևորգյանը: Ավելի վաղ Սյունիքի մարզպետարանի աշխատակազմի կրթության, մշակույթի և սպորտի վարչության նախկին պետ Լյուդվիգ Հարությունյանն իր դիմումի համաձայն ազատվել է զբաղեցրած պաշտոնից` ընտրվելով Կապանի թիվ 2 ավագ դպրոցի տնօրեն: