Սյունիքի մարզպետի աշխատակազմ

Ջերմորեն շնորհավորում եմ Սյունիքի մարզի հեռուստաընկերությունների բոլոր աշխատակիցներին` համաշխարհային ամենամեծ լսարան ունեցող զանգվածային լրատվամիջոցի` հեռուստատեսության միջազգային օրվա կապակցությամբ:
Վաղուց արդեն հեռուստատեսությունը դարձել է հասարակական կարծիքի ձևավորման, ներքաղաքական գործընթացների վրա ներազդման, խաղաղության ու անվտանգության, մշակութային երկխոսության ու հանդուրժողականության ձևավորման անփոխարինելի միջոց ողջ աշխարհում:
Այդպես է և մեզանում:
Այս առումով, վերստին կարևորում եմ ձեր դերը ոչ միայն որպես մարզի սոցիալ-տնտեսական, հասարակական-քաղաքական և կրթամշակույթային կյանքի կարևորագույն իրադարձությունների տեղեկատվության աղբյուրի, այլև որպես այդ ոլորտներում առաջընթացի բարերար ազդակի:
Մաղթում եմ բոլորիդ առողջություն, ընտանեկան երջանկություն ու նորանոր հաջողություններ ձեր պատասխանատու և ստեղծագործ աշխատանքում:

Հարգանքներով`
ՀՀ Սյունիքի մարզպետ Սուրիկ Խաչատրյան