Տեղեկատվական կենտրոն
Նորություններ
Կապանում հարգեցին 20 տարի առաջ զոհված խաղաղ կապանցիների հիշատակը
12.12.2012
Արցախյան գոյամարտի տարիներին հրետակոծությունների հետեւանքով զոհված կապանցի խաղաղ բնակիչների հիշատակը դեկտեմբերի 12-ին հարգեցին հարյուրավոր կապանցիներ: Առավոտյան Բաղաբուրջի հուշահամալիրում զոհերի հիշատակին կանգնեցված հուշաքարին թարմ ծաղիկներ ու ծաղկեպսակներ դրեցին Սյունիքի փոխմարզպետ Վաչե Գրիգորյանը, Կապանի քաղաքապետ Աշոտ Հայրապետյանը, մարզպետարանի ու քաղաքապետարանի աշխատակիցները, կապանցիներ: Անմեղ զոհերի հիշատակը ներկաները հարգեցին մեկ րոպե լռությամբ:
Ուղիղ 20 տարի առաջ` 1992թ. դեկտեմբերի 12-ին ադրբեջանական ինքնաթիռից արձակած ռումբի զոհ դարձան ու վիրավորվեցին Կապանի Շահումյան փողոցում հացի հերթում կանգնած տասնյակ կապանցիներ: Անցած տարի` ողբերգությունից 19 տարի անց, նույն այդ տեղում կառուցվել է խաղաղության պուրակ: