Սյունիքի մարզպետի աշխատակազմ

2013 թվականի փետրվարի 5-ից 8-ը ներառյալ մարզի չորս տարածաշրջաններում անցկացվեց դպրոցականների առարկայական օլիմպիադաների տարածքային փուլը, որին մասնակցեց 2455 աշակերտ` Կապանից` 826, Գորիսից` 649, Սիսիանից` 780, Մեղրիից` 200:
Օլիմպիադան նախատեսված 16 առարկաներից անցկացվեց միայն 15-ից: Աստղագիտությունից հայտ ներկայացրել էր միայն Կապանի թիվ 2 ավագ դպրոցը: Այս տարի նույնպես մաթեմատիկայի օլիմպիադան անցկացվեց համացանցով:
Ընթացքի մեջ են մարզային օլիմպիադայի նախապատրաստական աշխատանքները, որոնք կկայանան փետրվարի 23-ից մինչև մարտի 14-ը: Օլիմպիադան անցկացվելու է մարզկենտրոն Կապանում՝ "Երեխաների խնամքի և պաշտպանության գիշերօթիկ հաստատություն" ՊՈԱԿ-ում, Սյունիքի մարզպետարանի աշխատակազմի կրթության, մշակույթի և սպորտի վարչության մասնագետների հսկողությամբ՝ ամեն օր մեկ առարկայից:
Օլիմպիադայի մարզային փուլին մասնակցելու են հանրակրթական դպրոցների 571 աշակերտներ` Կապանից` 195, Գորիսից` 146, Սիսիանից` 153, Մեղրիից` 77: