Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սյունիքի մարզպետն անցկացրեց առաջին աշխատանքային խորհրդակցությունը
12.07.2013
ՀՀ Սյունիքի մարզպետ Վահե Հակոբյանի մոտ այսօր տեղի ունեցավ աշխատանքային առաջին խորհրդակցությունը, որին մասնակցում էին մարզպետի տեղակալները, մարզպետարանի աշխատակազմի ղեկավարը և մարզպետարանի աշխատակազմի ստորաբաժանումների ղեկավարները:
Առաջին խորհրդակցությունն ուներ ոչ միայն ճանաչողական բնույթ, այլև որոշակիորեն նախանշվեցին առաջիկա անելիքները: Մարզպետը կարևորեց մինչ այժմ կատարված աշխատանքները և ընդգծեց դրանց շարունակականության ապահովման անհրաժեշտությունը՝ հասցնելով դրանք որակական նոր մակարդակի:
Մարզպետը կարևորեց նաև իր և աշխատակազմի բաց և թափանցիկ գործելաոճը: Ստորաբաժանումների գործունեությանն առավել մանրամասն ծանոթանալու նպատակով մարզպետ Վ. Հակոբյանը հանձնարարեց ներկայացնել 2013 թվականի առաջին կիսամյակում կատարված աշխատանքների մասին հաշվետվություններ և առաջիկա անելիքները:
Տեղերում ծառացած խնդիրներին ծանոթանալու և դրանց հնարավոր լուծումները որոշակիացնելու նպատակով հանձնարարվեց կազմել ժամանակացույց՝ ըստ տարածաշրջանների և ենթաշրջանների այցելության նպատակով:
