Սյունիքի մարզպետի աշխատակազմ

Սիսիան կատարած աշխատանքային այցի ընթացքում ՀՀ Սյունիքի մարզպետ Վ. Հակոբյանը հանդիպեց Սիսիանի քաղաքապետարանի աշխատակազմի հետ, անձամբ ծանոթացավ Սիսիանում առկա խնդիրներին: Այցը ճանաչողական բնույթի էր: Աշխատակազմի ղեկավարը ներկայացրեց այն հրատապ խնդրնեըը, որոնք լուծում են պահանջում:
<<Առաջիկայում մենք նաև սոցիալ-տնտեսական ծրագրերի շրջանակներում առաջարկություններ ունենք կառավարությանը, փորձելու ենք նաև համալրել, բոլոր հիմնախնդիրները լսելուց հետո ամփոփել և նոր առաջակություններ ներկայացնել, ծրագրեր ներդնել, իսկ մարզպետի աշխատանքային պլաններում նախատեսում ենք համայնքերում պարտադիր ընդունելություններ բնակչության հետ>>,- ասաց Վահե Հակոբյանը:
Սիսիան կատարած առաջին այցի ժամանակ մարզպետը կատարեց նաև քաղաքացիների ընդունելություն:
<<Քաղաքացուն հուզող հարցերը պետք է հասանելի լինեն իշխանություններին, իսկ պատկան մարմինները պարտավոր են դրանցից առավել հրատապների համար լուծման ուղիներ գտնել>>,- նշել է Սյունիքի մարզպետ Վահե Հակոբյանը:
Բնակիչները մարզպետին ներկայացրին ամենատարբեր խնդիրներ, որոնք վերաբերում էին առողջպահայության, կոմունալ-կենցաղային, սոցիալական, տնտեսական ոլորտներին: Բարձրացված բոլոր հարցերը գրանցվեցին, առաջիկայում բնակիչներն անձամբ կտեղեկացվեն դրանց ընթացքի մասին:
<<Այստեղ առկա են հիմնականում ասֆալտապատման, հայջրմուղկոյուղու հետ կապված որոշակի խնդիրներ: Համայնքում կան թաղամասեր, որտեղ ընդհանրապես կոյուղի գոյություն չունի, որոշակի թերություններ կան նաև ջրահեռացման համակարգում, տանիքների վերանորոգման>>, - նշել է մարզպետը:
Մարզպետը նաև նշել է, որ Սիսիանում հունիսի 2-ի գիշերը տեղի ունեցած ջրհեղեղի հետևանքներն առանձին կուսումնասիրվեն, և դրանք մեղմելու նպատակով աշխատանքներ կիրականացվեն:Կարևորվեց նաև Սիսիանում գործազրկության կրճատմանը միտված ծրագրերը: Ըստ մարզպետի՝ Սիսիանում նոր աշխատատեղերի ստեղծումը հնարավոր կլինի Սիսիանում ՓՄՁ ԶԱԿ-ի զարգացմամբ:
Անդրադարձ եղավ նաև 2014 թվականի երիտասարդական մայրաքաղաքի համար տարվող Սիսիանի պայքարին: Վահե Հակոբյանը նշեց, որ Սիսիանը, որպես Սյունիքի մի մասնիկ, ունի բոլոր նախադրյալները երիտասարդական մայրաքաղաք հռչակվելու համար: Բացառիկ այդ հնարավորթրունը պետք է օգտագործել երկրի հարավում երիտասարդությանն առավել ակտիվ և նախաձեռնող դարձնելու համար:
Մարզպետ Հակոբյանը նշեց նաև, որ նոր դրական տեղաշարժեր կլինեն համայնքապետարան-մարզպետարան համագործակցության մեջ և հավելեց, որ անձամբ ավելի հաճախ է լինելու հատկապես այն համայնքներում, որտեղ հրատապ լուծում պահանջող խնդիրները ավելի շատ են: