Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սիսիանի վոլեյբոլիստուհիները դարձան ՀՀ բարձրագույն խմբի չեմպիոն
06.11.2013
Այս տարվա մայիսին Ստեփանակերտում կայացած ՀՀ վոլեյբոլի կանանց բարձրագույն խմբի առաջնության առաջին փուլին Սիսիանի մարզադպրոցի «Սյունիք» թիմը հաղթելով Երևանի երկու և Ստեփանակերտի թիմերին` զբաղեցրեց առաջին պատվավոր հորիզոնականը: Այս հաղթանակով մարզը ներկայացնող սիսիանցի վոլեյբոլիստուհիները իրավունք ստացան մասնակցելու հոկտեմբերի 31-ից նոյեմբերի 3-ը Երևանում կայանալիք երկրորդ փուլի մրցումներին: Այստեղ հավաքելով 12 միավոր, չորրորդ անգամ անընդմեջ սիսիանցի վոլեյբոլիստուհիները դարձան ՀՀ վոլեյբոլի կանանց բարձրագույն խմբի առաջնության չեմպիոն՝ պարգևատրվելով ՀՀ վոլեյբոլի ֆեդերացիայի մեդալներով և դրամական խրախուսական գումարով:
Հանրապետության չեմպիոնի կոչումը նվաճելուց բացի, տարվա լավագույն մարզուհիներ ճանաչված Մարի Հովհաննիսյանը, Սոնա Սադեղյանը և Նարե Հովհաննիսյանը պարգևատրվեցին ֆեդերացիայի հուշանվերներով:
