Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Սյունիքի մարզպետ Վահե Հակոբյանի շնորհավորական ուղերձը Ուսանողների միջազգային օրվա առթիվ
18.11.2013
Սիրելի ուսանողներ,
Շնորհավորում եմ ձեզ նոյեմբերի 17-ի՝ Ուսանողների միջազգային օրվա առթիվ:
Տոնական օրերին բնորոշ բարեմաղթանքներ հղելուց բացի, ցանկանում եմ վստահեցնել, որ ձեզանից յուրաքանչյուրի եռանդով, նպատակասլացությամբ ու նվիրվածությամբ են պայմանավորված մեր վաղվա օրվա հաջողությունները:Դուք եք մեր հասարակության շարժիչ ուժը, որը պետք է կարողանա համախմբվել հետաքրիր գաղափարների շուրջ ու միասնականություն դրսևորելով հասնի իր նպատակներին:
Կիրթ ու բանիմաց ուսանողին է վերապահված ներկայիս ձեռքբերումների կրկնապատկողի, նաև բացթողումների, թերությունների մասին բարձրաձայնողի ու շտկողի դերը: Սերնդափոխությունն ավելի դյուրին է կատարվում, երբ սկսնակն ու փորձառուն համախոհներ են լինում, միասին ճանապարհ են անցնում, իրենց մտավոր ներուժն ու կարողությունները ներդնելով ի նպաստ երկրի զարգացման ու ժողովրդի բարեկեցության:
Լիահույս եմ, որ ձեր հայրենասիրությամբ ու հաստատակամությամբ հաղթահարելու եք ձեզ բաժին հասած դժվարություններն ու ակտիվ դիրքորոշմամբ ավելի եք ամրապնդելու հավատը մեր հայրենիքի լուսավոր ապագայի հանդեպ:
Կրկին շնորհավորում եմ, մաղթում եմ հաջողություններ, երջանկություն, իղձերի իրականացում:
