Սյունիքի մարզպետի աշխատակազմ

Փետրվարի 20-ին Քաջարանում մեկնարկեց շախմատի Սյունիքի մարզի պատանիների 8-րդ առաջնությունը։ Մարզի բոլոր քաղաքներից առաջնությանը մասնակցելու են եկել 56 պատանիներ, ովքեր կպայքարեն 3 տարիքային խմբերում։ Մինչև 10-ը տարեկան 40 շախմատիստներ կպայքարեն շվեյցարական, 12 և 14 տարեկանները՝ շրջանաձև մրցակարգերով: Մարզի առաջնությունը, որը կլինի 7 խաղափուլով, կտևի մինչև փետրվարի 23-ը:
Մարզային մրցաշարին լավագույն արդյունքներով հանդես եկած մասնակիցները հնարավորություն կունենան ուժերը չափելու` մարտի 16-ից 23-ը Երևանում կայանալիք Շախմատի Հայաստանի պատանիների առաջնության կիսաեզրափակիչին։ Մինչև 10 տարեկանների խմբում Սյունիքին հատկացվել է մասնակցության 5 տեղ, մեկ տեղն էլ կզբաղեցնի մարզի միակ պատանի ազգային բարձր վարկանիշ ունեցող շախմատիստը, իսկ 12 և 14 տարեկաններից` մայրաքաղաք կմենկնի 3-ական մասնակից: