Սյունիքի մարզպետի աշխատակազմ

Փետրվարի 25-ին Կապանի թիվ 3 միջնակարգ դպրոցում <<Անտարես>> հրատարակչության կողմից, հերթական անգամ, 6-րդ դասարանցիների համար անցկացվեց <<Ընթերցանության օլիմպիադա 2014>>-ի մարզային՝ 2-րդ փուլը: Մրցույթի ներդպրոցական փուլը կայացել էր հունվարի 20-ից մինչև հունվարի 27-ը: Մրցույթին մասնակցելու համար աշակերտները նախապես գրանցվել էին www.dasaran.am կայքի համապատասպխան բաժնում: Սահմանված կարգին համապատասխան նախապես կազմված ժյուրիի անդամների ներկայությամբ աշակերտն իր իսկ ընտրած գեղարվեստական գրքից պետք է ընթերցեր մի հատված: 1-ին փուլին մասնակցության իրավունք ստացած 78 աշակերներից մարզային 2-րդ փուլին հրավիրվել էին Ժյուրիի առավելագույն գնահատականին արժանացած 24 աշակերտներ՝ մարզի բոլոր տարաշծաշրջաններից: Այստեղ նույնպես աշակերտները ընթերցեցին բնագրի նույն ծավալի հատված, սակայն ժյուրիի ընտրությամբ: Վերջնական գնահատական է ընդունվել երկու փուլերի գնահատականների հանրագումարը: Մարզային փուլում 1-ին, 2-րդ և 3-րդ տեղեր գրաված 3 աշակերտներ իրավունք են ստացել մասնակցելու <<Ընթերցանության օլիմպիադա 2014>>-ի հանրապետական փուլին, որը կկայանա ապրիլին՝ Հայաստանի գրողների միության մեծ դահլիճում:
Դպրոցական և մարզային փուլերի բոլոր հաղթողներին <<Անտարես>> հրատարակչության կողմից կտրվեն մրցանակներ և թանկարժեք նվերներ, որոնք կհանձնվեն հանրապետական փուլի ժամանակ: