Սյունիքի մարզպետի աշխատակազմ

Սյունիքի մարզպետի որոշմամբ ՀՀ Սյունիքի մարզպետարանի աշխատակազմի սոցիալական ծառայությունների Գորիսի տարածքային գործակալությունում կատարվել են աուդիտորական ուսումնասիրություններ,որի շրջանակներում ուսումնասիրվել է ներքին աուդիտի միջավայրը՝ գործակալության կառուցվածքը և կառուցվածքային տարրերի գործառույթները և գործակալության իրականացրած գործառույթերի համապատասխանությունը ՀՀ օրենսդրությանը: Աուդիտի ենթարկվող միավորի հետ քննարկվել և համաձայնացվել է աշխատանքային ժամկետները , որոշվել է այն անձանց շրջանակը , որոնք պետք է աջակցեն ներքին աուդիտի առաջադրանքների իրականացման ընթացքում: Առաջադրանքների իրակացման ընթացքում միջավայրի գնահատման համար կատարվել է առանձին միավորների ռիսկերի գնահատման համադրում:
Աշխատանքների իրականացումը տեղի է ունեցել ինչպես աուդիտի ենթարկվող միավորի տարածքում, այնպես էլ արտաքին ուսումնասիրությունների միջոցով` մասնավորապես իրականացնելով տնային այցելություններ:
Ուսումնասիրվել է նպաստառուների հաշվառման և նպաստի նշանակման, գործակալության տվյալ տարածքը սպասարկող աշխատողի տնային այցելությունների ժամանակ փաստաթղթավորման աշխատանքները:
Աշխատանքային խումբը ընտրանքային կարգով ուսումնսիրել է 108 նպաստառու ընտանիքների սոցիալական անձնագրերը, տնային շրջայցերի միջոցով կատարել, գրանցումների և փաստացի վիճակի համադրում:
Սոցիալական ծառայությունների Գորիսի տարածքային գործակալությունում իրականացվող գործառույթները կատարվել են խախտումներով և բացթողումներով, գործառույթների նկատմամբ բացակայել է գործակալության պետի վերահսկողությունը:
Նպաստառուների ցուցակում ընդգրկված 1709 ընտանիքներից, ընտրանքային կարգով ուսումնասիրվել է108 ընտանիքների նպաստի նշանակման հիմքերը, որից պարզվել է, որ տարաբնույթ խախտումներով նպաստառու է համարվել 25 ընտանիք, որոնց տրամադրված նպաստի չափը կազմում է ամսական 628000, որը ուսումնասիրման պահին փաստացի կազմել է 4327 000 դրամ:
Միջոցներ են ձեռնարկվում առկա թերությունները և բացթողումները վերացնելու, ինչպես նաև պետությանը հասցված վնասը վերականգնելու ուղղությամբ: