Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Սյունիքի մարզպետ Վ.Հակոբյանի շնորհավորական ուղերձը Մարտի 8-ի՝ Կանանց միջազգային տոնի առթիվ
07.03.2014
Սիրելի՛ կանայք,
Իմ ջերմ բարեմաղթանքներն եմ հղում ձեզ գարնանային զարթոնքի այս գեղեցիկ տոնի՝ Մարտի 8-ի առթիվ: Տոն, որ մեկ անգամ ևս առիթ է ընձեռում ընդգծելու և արժևորելու ձեր կարևոր դերակատարությունը մեր կյանքում: Դուք եք մեր ընտանիքների հիմնասյունն ու պահապանը, և ձեր շնորհիվ է, որ ընտանիքը յուրաքանչյուրիս համար շարունակում է մնալ մոլորակի ամենաջերմ ու հաճելի անկյունը: Դուք եք ամենայն լավի ու բարու, սիրո ու գեղեցկության կրողն ու մարմնավորողը և արժանի՝ բոլորիս անկեղծ խոնարհումին ու գնահատանքին:
Այսօր մեր անկախ պետականության կայացումն ու զարգացումը հնարավոր չէ պատկերացնել առանց ձեր մասնակցության և ձեր ազգանվեր առաքելության: Եվ հենց ձեզանով է առավելապես պայմանավորված վաղվա օրվա հանդեպ մեր հավատն ու վստահությունը:
Վստահ եմ, որ ապագայում էլ հայ կինը շարունակելու է մնալ մեր հարատևման, անմնացորդ նվիրումի խորհրդանիշը:
Սիրով շնորհավորում եմ ձեզ այս հիասքանչ տոնի կապակցությամբ և
երախտագիտության,սիրո ու ակնածանքի խոսքեր ուղղում ձեզ, սիրելիՙ կանայք:
Եղեՙք գեղեցիկ ու հմայիչ, սերն ու երջանկությունը թող միշտ լինեն ձեզ ուղեկից:
ՀՀ Սյունիքի մարզպետ Վ. Հակոբյան
7 մարտ 2014թ.
