Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Սյունիքի մարզպետը ներկա է գտնվել Սիսիանի գնդի ձևավորման 20-ամյակին նվիրված տոնական միջոցառմանը
10.03.2014
ՀՀ Սյունիքի մարզպետ Վահե Հակոբյանը մարտի 8-ին Սիսիանում մասնակցել է
Հայաստանի հարավ-արևմտյան սահմանային զորամասի` Սիսիանի գնդի կազմավորման 20-ամյակին նվիրված տոնական միջոցառմանը: Հանդիսությանը մասնակցում էին նաև Վայոց ձորի մարզպետ ԷդգարՂազարյանը, բանակային 4-րդ և 1-ին կորպուսի հրամանատարներ գեներալ-մայոր Անդրանիկ Մակարյանը և գնդապետ Տիգրան Փարվանյանը, ՀՀ պաշտպանության նախարարի խորհրդական, գեներալ-լեյտենանտ Մուրազ Սարգսյանը, բարձրաստիճան հյուրեր:
Սիսիանի գունդը ստեղծման իսկ օրվանից իր մասնակցությունն է բերել հայոց սահմանների պաշտպանության և բանակաշինության գործում: Հանդիսությանը շնորհավորական ելույթով հանդես եկավ ՀՀ Սյունիքի մարզպետ Վ. Հակոբյանը:
Միջոցառման ընթացքում զինված ուժերում անբասիր ծառայության համար և Սիսիանի զորամասի ձևավորման 20-րդ տարեդարձի կապակցությամբ ՀՀ Սյունիքի մարզպետի շնորհակալագրերով պարգևատրվեցին մայոր Դավիթ Սերոբյանը և Խաչիկ Վարդանյանը, ավագ ենթասպա Հրաչիկ Ավետիսյանը և Վաչագան Հայրիկյանը, կապիտան Արթուր Ավագյանը:
Հյուրերին հնարավորություն ընձեռվեց նաև ծանոթանալու վրանային հոսպիտալի և շարժական խոհանոցի աշխատանքներին: Միջոցառումների շարքում տեղ էին գտել նաև պարային և երաժշտական կատարումներ:Հանդիսությունը եզրափակվեց տոնական սեղանների շուրջ:
