Սյունիքի մարզպետի աշխատակազմ

Գյուղատնտեսական նախորդ տարվա արդյունքների ամփոփման,ընթացիկ տարվա խնդիրների քննարկման,մարզի գարնանային առօրյային ու հոգսերին ծանոթանալու նպատակով մարտի 25-ին աշխատանքային այցով Սյունիքում էր ՀՀ գյուղատնտեսության նախարար Սերգո Կարապետյանը:

ՀՀ Սյունիքի մարզպետ Վահե Հակոբյանի ուղեկցությամբ նախարարը եղավ Սիսիանի տարածաշրջանի Բռնակոթ գյուղի նոր կաթի վերամշակման արտադրամասում:Այն շահագործվեց Բռնակոթ համայնքի ֆերմեր Ս. Առաքելյանի նախաձեռնությամբ և մասնավոր ներդրումների միջոցով:Ունեն 150 գլուխ խոշոր եղջյուրավոր կենդանիներ: 2014թ-ի մարտից գործող կաթի վերամշակման արտադրամասը օրական տալիս է մոտ 1 տոննա կաթ` սեփական արտադրության և համայնքի մյուս ֆերմերների կողմից արտադրվող:

Արտադրամասը կառուցելու համար ֆերմերը մոտ 20 միլիոն դրամ է ներդրել:Նախատեսում է ընդլայնել վերամշակման ծավալները՝ օրական 1-ից հասցնելով 3 տոննայի: Ծավալների ընդլայնմանը զուգահեռ նաև մտադիր է տեսականին շատացնել:Ներկայումս այստեղ արտադրվում է «Լոռի», «Չանախ» պանրի տեսակներ, ինչպես նաև կարագ:Առաջիկայում արտադրանքի ծավալների ընդլայնման արդյունքում նախատեսում են արտադրել նաև մածուն, թթվասեր, կաթնաշոռ:

Մարզպետի հետ գյուղնախարարի հաջորդ կանգառը Կապանի տարածաշրջանի Աճանան գյուղն էր: Ներկայումս այստեղ «Վամաքս» ՍՊԸ-ի կողմից իրականացվում են խոզաբուծական ժամանակակից համալիրի կառուցման աշխատանքներ:Համալիրը նախատեսված է 200 գլուխ խոզամայրի համար, որտեղ տարեկան կաճեցվի և մսի համար կիրացվի 4000գլուխ խոզ, կարտադրվի 300տ խոզի միս: Համալիրը հագեցած կլինի ժամանակից սարքավորումներով և արտադրվել են ավստրիական <<Շաուեր>> ընկերության կողմից: Համալիրի կազմում ընդգրկված է նաև ժամանակակից սպանդանոց, կերախոհանոց և կունենա ավելի քան 30 աշխատատեղ:

Օրվա երկրորդ կեսին նախարար Ս. Կարապետյանը մարզպետարանի նիստերի դահլիճում անցկացրեց խորհրդակցություն՝ համայնքների ղեկավարների և ֆերմերների մասնակցությամբ:

ՀՀ Սյունիքի մարզպետ Վահե Հակոբյանը կարևորելով գյուղատնտեսության նախարարության կողմից մարզում իրականացվող միջոցառումները, վստահություն հայտնեց, որ դրանք կնպաստեն հողերի նպատակային և արդյունավետ օգտագործմանը, ցանքատարածությունների և գյուղատնտեսական մթերքների արտադրության ծավալների ավելացման ու տնտեսական աճի ապահովման գործընթացին:
Այնուհետև նախորդ տարվա լավ աշխատանքի ու բարձր արդյունքների համար նախարարը <<Գյուղատնտեսության նվաճումների>> ոսկե մեդալներով պարգևատրել է ՀՀ Սյունիքի մարզպետարանի աշխատակազմի գյուղատնտեսության և բնապահպանության վարչության պետ Սամվել Թանգյանին և Մեղրի այգեգործական տնտեսություն տնօրեն Ալեքսան Հովհաննիսյանին: Մարզի գյուղատնտեսության ևս մի խումբ առաջավորներ արժանացել են գյուղատնտեսության նախարարության շնորհակալագրերի: