Սյունիքի մարզպետի աշխատակազմ

Այսօր ՀՀ Սյունիքի մարզպետ Վահե Հակոբյանն ընդունեց մայիսի 20-ից-26-ը Դիլիջանում անցկացված <<Հայրենիքիս զինվորն եմ>> խորագրով համահայկական երիտասարդական ճամբարի սյունեցի մասնակիցներին:
Ճամբարականները կիսվեցին իրենց տպավորություններով և իրենց երախտագիտությունը հայտնեցին մարզի ղեկավարին գործուն աջակցության համար:
Մարզպետ Վ. Հակոբյանը կարևորեց երիտասարդների` նման ձևաչափով հանդիպումները, և վստահություն հայտնեց, որ դրանք մեծապես նպաստելու են երիտասարդների միջև ճանաչողության բարձրացման խթանմանը, ինչպես նաև ապագայի կերտման գործընթացին նրանց ներգրավմանը: Մարզպետը նաև ընդգծեց, որ նման միջոցառումները խրախուսվում են , քանի որ դրանք մեծ դեր ունեն ինքնավստահության զարգացման և երիտասարդներին ,ինչպես հասարակության, այնպեսև սեփական կյանքի ձևավորման մեջ ակտիվ դեր ստանձնելու առումով:
Ճամբարականները նշեցին, որ ճամբարի ընթացքում դասախոսություններով հանդես են եկել պատմաբաններ, իրավաբաններ, զինվորականներ, հոգեբաններ՝ ներկայացնելով հայոց պատմության հերոսական դրվագները, արցախյան պատերազմը, զինվորական ծառայության առանձնահատկությունները, զինվորի իրավունքներն ու պարտականությունները, հոգեբանական պատրաստության և հոգևոր դաստիարակության կարևորությունը:
Կազմակերպվել են նաև ֆիլմերի դիտում, մշակութային միջոցառումներ, ինտելեկտուալ և սպորտային խաղ-մրցույթներ:
Երիտասարդները մրցումների ընթացքում արժանացել են տարբեր պատվոգրերի, որոնք ներկայացրեցին մարզպետին:
Յոթօրյա երիտասարդական 5 ճամբարներից յուրաքնչյուրին մասնակցելու են 16-ից 20 տարեկան 25 երիտասարդներ Հայաստանից, Արցախից ու Սփյուռքից և նպատակ ունեն բարձրացնելու հայ երիտասարդության հայրենաճանաչության մակարդակը, դաստիարակելու հայրենասիրական ոգով: Սյունիքի տարբեր տարածաշրջաններից ճամբարներին կմասնակցեն 70 երիտասարդ: