Տեղեկատվական կենտրոն
Նորություններ
ՀԱՄԱԳՈՐԾԱԿՑՈՒԹՅԱՆ ՆՈՐ ՀՈՐԻԶՈՆՆԵՐ
11.06.2014
Հունիսի 11-ին, Սյունիքի մարզպետ Վահե Հակոբյանը, Սյունիքի մարզպետարանում, ընդունել է Դանդի ՓրիշսՄեթալս կորպորացիայի նախագահ, գլխավոր տնօրեն Ռիկ Հաուսին և ԴՓՄ-Կապան ՓԲԸ գլխավոր տնօրեն Հրաչ Ջաբրայանին: Սյունիքի մարզպետը ողջունելով հյուրերին պատրաստակամություն է հայտնել հնարավորինս աջակից լինել ընկերության աշխատանքներին և ծրագրերին: Վահե Հակոբյանը կարևորել է նաև ընկերության սոցիալական, կորպորատիվ պատասխանատվությունը, որի շրջանակներում մարզկենտրոն Կապանում իրականացվում են բազմաթիվ ծրագրեր: Կողմերը պատրաստակամություն հայտնեցին մեկտեղել ջանքերը մարզկենտրոնում առկա խնդիրները լուծելու համար: Ռիկ Հաուսը շնորհակալություն հայտնեց ընդունելության և ընկերության աշխատանքներին աջակից լինելու համար և Սյունիքի մարզպետին հրավիրեց այցելել Կանադա կորպորացիայի աշխատանքներին ծանոթանալու, հայ համայնքին հանդիպելու և մարզի բիզնես հնարավորությունները ներդրող շրջանակներին ներկայացնելու համար: Առաջարկը Վահե Հակոբյանը ընդունել է: