Տեղեկատվական կենտրոն
Նորություններ
ՄԻՋՈՑԱՌՈՒՄՆԵՐԻ ԾՐԱԳՐԻ ՔՆՆԱՐԿՈՒՄ
17.06.2014
Հունիսի 17-ին Սյունիքի մարզպետ Վահե Հակոբյանը հանդիպեց ՀՀ ՊՆ խորհրդական, գեներալ-լեյտենանտ Մուրազ Սարգսյանին: Առիթը խորհրդային միության հերոս Հունան Ավետիսյանի ծննդյան 100 ամյակին նվիրված միջոցառումների ընթացքը ներկայացնելն էր: Վահե Հակոբյանը ողջունեց գեներալ-լեյտենանտի նախաձեռնությունը և խոստացավ հնարավորինս աջակցել ձեռնարկի իրականացմանը: Ծրագիրը ներառում է երկօրյա միջոցառումների շարք, որտեղ հիմնականում դերակատարություն կունենան մեծ հայրենականի և արցախյան ազատամարտի մասնակիցները: Կլինեն նաև հյուրեր մայրաքաղաքից և ՌԴ-ից: Մեկնարկը կտրվի հունիսի 19-ին`հերոսին նվիրված <<Անմահության բանաձևը>> փաստավավերագրական ֆիլմի ցուցադրությամբ: Ֆիլմի նկարահանման և պատրաստման աշխատանքները հովանավորել է ԶՊՄԿ գլխավոր տնօրեն Մաքսիմ Հակոբյանը: Ցուցադրությունից հետո նախատեսվում է քննարկում և պարգևատրման արարողություն: Պարգևատրումները շարունակվելու են հաջորդ օրը Ծավ գյուղում, որտեղ մեծ հանդիսությամբ կբացվի նաև հերոսի կիսանդրին: Ի դեպ, Մուրազ Սարգսյանը խնդրեց մարզպետին աջակցել Կապանի համար 9 ավագ դպրոցը դարձյալ վերանվանելու Հունան Ավետիսյանի անունով: Մարզպետը խոստացավ հետամուտ լինել հարցի լուծմանը: Նախատեսվում է դպրոցում տեղադրել հերոսի կիսանդրին, հիմնել թանգարան և կահավորվել ռազմագիտության դասասենյակը: