Սյունիքի մարզպետի աշխատակազմ

ՀՀ Սյունիքի մարզպետ Վահե Հակոբյանն այսօր ընդունել է <<Հայջրմուղկոյուղի>> ՓԲԸ-ի <<Հարավ-արևելյան տարածքային մասնաճյուղի>> տնօրեն Ջիվան Մարգարյանին: Հանդիպմանը ներկա էին մարզպետի տեղակալ Աշոտ Մարդյանը, ինչպես նաև Կուրիս, Գուդեմնիս, Վարդավար և Լեհվազ գյուղական համայնքների ղեկավարները: Հանդիպման ընթացքում քննարկվեցին նշված համայնքների խմելու և ոռոգման ջրով ապահովելու հարցը և ոլորտում առկա խնդիրները, դրանց լուծման ուղիները, այդ ուղղությամբ իրականացվելիք աշխատանքներին առնչվող հարցեր: Նշվեց, որ Մեղրու տարածաշրջանի այս համայնքները սակավաջուր են և անհրաժեշտ է նվազեցնել ջրի կորուստները և փորձելու ուղիներ գտնել առկա խնդիրներին լուծում տալու համար: Մարզպետը խնդիր դրեց համատեղ այնպիսի որոշում գտնել, որ դրանից ոչ համայնքները տուժեն, ոչ էլ ջրամատակարար կազմակերպությունը: Հանձնարարվեց հարցը ևս մեկ անգամ քննարկել տեղում և զեկուցել արդյունքների մասին: