Սյունիքի մարզպետի աշխատակազմ

Այսօր մարզպետարանում կայացած աշխատանքային խորհրդակցությանը մասնակցում էին համայնքների և հանրակրթական հաստատությունների ղեկավարներ, մարզպետարանի ու մարզային ոստիկանության աշխատակիցներ: Բացման խոսքում Սյունիքի մարզպետ Վահե Հակոբյանը կարևորել է նման ձևաչափով հանդիպումները և նշել, որ պետք է ստեղծել այնպիսի միջավայր, որ հանրությունը վստահի ոստիկանին՝ հիմք ընդունելով նրա կատարած աշխատանքը: Վահե Հակոբյանը այս առումով կարևորում է բաց ու անկաշկանդ խոսակցությունը և ներկաներին հորդորեց մատնաշնել այն խնդիրները, որոնք խանգարում են ոստիկանության աշխատանքի հանդեպ վստահության դաշտի ձևավորմանը: ՀՀ ոստիկանության մարզային վարչության պետ, գնդապետ Վախթանգ Ավագյանը շնորհակալություն հայտնեց ընձեռված հնարավորության համար և ներկայացրեց ոստիկանության աշխատանքի սկզբունքները, կարևորեց հատկապես համայնքային ու պետական կառույցների դերը նոր որակի աշխատանք կատարելու համար: Քննարկման ընթացքում նախանշվեցին համատեղ իրականացվելիք քայլերը: