Տեղեկատվական կենտրոն
Նորություններ
ՍՅՈՒՆԻՔԻ ՄԱՐԶՊԵՏ ՎԱՀԵ ՀԱԿՈԲՅԱՆԸ ԱՅՑԵԼԵԼ Է ԿԱՊԱՆԻ ՇՄԱՎՈՆ ՄՈՎՍԻՍՅԱՆԻ ԱՆՎԱՆ ԹԱՆԳԱՐԱՆ
16.07.2014
Հուլիսի 16-ին Սյունիքի մարզպետ Վահե Հակոբյանը, մարզպետի տեղակալ Վաչե Գրիգորյանի և Կապանի քաղաքապետ Աշոտ Հայրապետյանի հետ այցելել է Կապանի քաղաքապետարանի Շմավոն Մովսիսյանի անվան թանգարան: Թանգարանի տնօրեն Արմեն Գևորգյանը հյուրերին ներկայացրել է հաստատության աշխատանքները և իրազեկել նորոգման աշխատանքների ընթացքի մասին: Թանգարանը հիմնադրվել է 1960-ական թվականներին Կապանի պատվավոր քաղաքացի, հայտնի վավերագրող Շմավոն Մովսիսյանի կողմից, որի մահից հետո հաստատությունը անվանակոչվել է նրա անունով: Այստեղ՝ լուսանկարների ու տեսանյութերի պահոցում, ամբարված են Կապանի հիշարժան օրերի տարեգրությունը՝ սկսած նախորդ դարեսկզբից: Թանգարանում կազմակերպվել են նպատակային ցուցադրություններ, որոնցից առանցքայինը նվիրված է Կապանի տարածաշրջանի զոհված ազատամարտիկներին: Մարզպետը գոհունակություն հայտնեց աշխատանքների ընթացքի վերաբերյալ և խոստացավ աջակից լինել բոլոր ուշագրավ նախաձեռնություններին: