Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻՆ ՆՎԻՐՎԱԾ ՔՆՆԱՐԿՈՒՄ ՍՅՈՒՆԻՔԻ ՄԱՐԶՊԵՏԱՐԱՆՈՒՄ
25.07.2014
Հուլիսի 25-ին Սյունիքի մարզպետարանում տեղի է ունեցել ՀՀ Սահմանադրական բարեփոխումների հայեցակարգի նախագծի քննարկում: Քննարկմանը մասնակցել են համայնքների ղեկավարներ, դպրոցների տնօրեններ և մարզպետարանի աշխատակիցներ: Բացման խոսքում Սյունիքի մարզպետ Վահե Հակոբյանը նշել է, որ երկրի հիմնական փաստաթուղթը՝ Սահմանադրությունը, ևս կենդանի օրգանիզմ է և ժամանակ առ ժամանակ բարեփոխման կարիք ունի և անհրաժեշտ է այն համապատասխանեցնել ներկա իրողություններին ու արժեհամակարգին: Այնուհետև խոսքը փոխանցվել է օրվա հիմնական բանախոսներին՝ ՀՀ նախագահին կից սահմանադրական բարեփոխումների մասնագիտական հանձնաժողովի անդամներ Գեորգի Կուտոյանին և Վարդան Պողոսյանին: Նրանք ներկայացրել են բարեփոխումների անհրաժեշտությունը, առաջարկվող փոփոխությունների ուղղությունները, խոցելի հարցերը և ակնկալվող լուծումները: Այնուհետև ներկաները հանդես են եկել հարցադրումներով, որոնք առավելապես վերաբերվել են ՏԻՄ և մարզային կառավարման արդյունավետությանը, համայնքների խոշորացմանը, դատաիրավական համակարգին և այլ հարցերի: Հանդիպման վերջում Սյունիքի մարզպետ Վահե Հակոբյանը շնորհակալություն է հայտնել անկաշկանդ քննարկման համար և հույս հայտնել, որ բարձրացված հարցերը կդառնան մասնագիտացված հանձնաժողովի ուշադրության առարկա և տեղ կգտնեն վերջնական որոշումներում:
