Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ԲՆԱՊԱՀՊԱՆՈՒԹՅԱՆ ՆԱԽԱՐԱՐ ԱՐԱՄԱՅԻՍ ԳՐԻԳՈՐՅԱՆԸ ՍՅՈՒՆԻՔՈՒՄ ԷՐ
29.07.2014
Հուլիսի 25-ին աշխատանքային այցով Սյունիքի մարզում էր ՀՀ բնապահպանության նախարար Արամայիս Գրիգորյանը: Մարզպետարանում նա հանդիպել է Սյունիքի մարզպետ Վահե Հակոբյանին: Քննարկվել են ոլորտին առնչվող հարցեր: Սյունիքի մարզպետը նշել է, որ անցել են ժամանակները, երբ արտադրություն կազմակերպելու համար անտեսվում էր բնապահպանական բաղադրիչը: Նա կարևորել է համաձայնեցված գործակցությունը նախարարության հետ: Նախարար Արամայիս Գրիգորյանը շնորհակալություն է հայտնել նախարարության Սյունիքում տեղակայված ստորաբաժանումների աշխատանքին Սյունիքի մարզպետի ցուցաբերած աջակցության համար: Մարզպետարանում կայացած հանդիպմանը հաջորդել է մարզպետի ու նախարարի այցը ՀՀ ԲՆ հարավային ջրավազանային տարածքային բաժնի վարչական տարածք, որտեղ կայացել է նախարարի ու մարզպետի հանդիպումը ՀՀ ԲՆ Սյունիքի ստորաբաժանումների ներկայացուցիչների հետ: Նախարարը նշեց, որ հետևողական ու գործակցային մթոլորտում պետք է հետամուտ լինել խնդիրների լուծմանը: Հանդիպման ժամանակ նախարարը ներկաներին ներկայացվել է ,,Զանգեզուր,, կենսոլորտային ՊՈԱԿ-ի նորանշանակ տնօրեն Նորայր Հարությունյանին: Սյունիքի մարզպետը հույս է հայտնել, որ նախարարության ստորաբաժանումների հետ աշխատանքը կլինեի արդյունավետ ու կտա ցանկալի արդյունք:
