Տեղեկատվական կենտրոն
Նորություններ
ՕԳՈՍՏՈՍՅԱՆ ԽՈՐՀՐԴԱԿՑՈՒԹՅՈՒՆ ՍՅՈՒՆԻՔԻ ՄԱՐԶՊԵՏԱՐԱՆՈՒՄ
26.08.2014
Ավանդաբար օգոստոսի վերջին տասնօրյակում տեղի է ունենում դպրոցների տնօրենների աշխատանքային խորհրդակցություն: Այսօր կայացած խորհրդակցությունը վարել է Սյունիքի մարզպետ Վահե Հակոբյանը: Բացման խոսքում մարզպետը նշեց, որ նման խորհրդակցությունն առիթ է ամփոփելու նախորդ տարվա կրթական ոլորտի արդյունքները և նախանշելու առաջիկա անելիքները: Սյունիքի մարզում առկա հանրակրթության պատկերը և խնդիրները ներկայացրել է մարզպետարանի կրթության և մշակույթի վարչության պետ Նաիրա Ավանեսյանը, որին հաջորդեցին տնօրենների ելույթները: Ելույթ ունեցողները հանդես եկան առաջարկություններով, որոնք, իրենց կարծիքով, թույլ կտան առավել արդյունավետ դարձնել ուսման գործընթացի կազմակերպումը: Իր ելույթում ՀՀ կրթության և գիտության նախարարի տեղեկալ Մանուկ Մկրտչյանը ներկայացրեց այն նորարությունները և անելիքները, որոնք կիրառվելու են նոր ուսումնական տարում: Խորհրդակցության աշխատանքների ամփոփիչ ելույթում Սյունիքի մարզպետ Վահե Հակոբյանը շնորհավորեց ներկաներին նոր ուսումնական տարվա մեկնարկի առիթով և հույս հայտնեց, որ գալիք տարին նպաստելու էլ ավելի բարձրացնելու կրթության որակը և հավաստիացրեց, որ ցանկալի արդյունքի հասնելու համար՝ առանցքային հարցերում, մարզային իշխանությունը լինելու է առավել հետևողական: