Տեղեկատվական կենտրոն
Նորություններ
ՕԾՎԵԼ Է ՇԱՂԱՏԻ ՀԻՄՆԱՆՈՐԳՎԱԾ ԵԿԵՂԵՑԻՆ
29.08.2014
Շաղատը Սյունիքի երբեմնի մայրաքաղաքն է եղել: Պատմական հարուստ անցյալ ունեցող բնակավայրում օգոստոսի 28-ին օծվել է Սուրբ Գևորգ եկեղեցին: Այն կառուցվել է 1830-1840 թվականներին: Խորհրդայնացումից հետո չի գործել ու հասցվել էր անմխիթար վիճակի: Բարերար Գագիկ Խաչատրյանի ու գյուղացիների միջոցներով հիմնանորոգվել է: Արարողությանը ի թիվս բազմաթիվ ներկաների մասնակցել են նաև Սյունիքի մարզպետ Վահե Հակոբյանը, Սյունյաց թեմի առաջնորդական տեղապահ Տեր Մակար վարդապետ Հակոբյանը և ՀՀ ՊՆ բանակային առաջին կորպուսի հրամանատար, գնդապետ Տիգրան Փարվանյանը: Օծումից հետո տեղի է ունեցել Շաղատի ձիթհան թանգարանի բացման արարողություն: Ժապավենը կտրելու պատիվը տրվել է Սյունիքի մարզպետ Վահե Հակոբյանին: Օրը ավարտվել է տոնական սեղանների շուրջ՝ համերգային ծրագրով: Սյունիքի մարզպետ Վահե Հակոբյանը շնորհավորելով շաղատցիներին՝ կարևորել է հանգամանքը, որ խնամքի է արժանացել հատկապես խոնարհված եկեղեցին: