Տեղեկատվական կենտրոն
Նորություններ
ՍՅՈՒՆԻՔԻ ՄԱՐԶՊԵՏԸ ԸՆԴՈՒՆԵԼ Է ՀԵՐԹԱԿԱՆ ԱԿԱՆԱԶԵՐԾՎԱԾ ՏԱՐԱԾՔԸ
29.08.2014
Սյունիքի մարզը արցախյան գոյամարտի ժամանակ ամենաշատ տուժեց, ոչ միայն մարտական գործողությունների ժամանակ, այլ նաև հետպատերազմական տարիներին: Պատերազմից հետո շփման գծի ողջ երկանքով ի հայտ եկան ականապատված տարածքներ, որոնք համայնքները չեն կարողանում տնօրինել: Ականապատված տարածքներում սահմանային համայնքները ունեցել են մարդկային ու նյութական մեծ կորուստներ: Խնդրի լուծմանը հետամուտ է ՀՀ ՊՆ, որը նախաձեռնել է ականազերծման աշխատանքներ: Ծրագիրը իրականացվում է ԱՄՆ պետդեպարտամենտի հատկացրած յոթ հարյուր հազար ԱՄՆ դոլարով: Օգոստոսի 28-ին հերթական ականազերծված տարածքը Շուռնուխ վարչական տարածքում հանձնվեց Սյունիքի մարզային իշխանությանը: Սյունիքի մարզպետ Վահե Հակոբյանը շնորհակալություն հայտնեց աշխատանքներում ընդգրկված բոլոր աշխատակիցներին և հույս հայտնեց, որ աշխատանքները շարունակական կլինեն մինչև այն պահը, երբ Սյունիքում ականապատված տարածք չի լինի: