Տեղեկատվական կենտրոն
Նորություններ
ԲԱՐԵԳՈՐԾԱԿԱՆ ԾՐԱԳՐԵՐ ՍՅՈՒՆԻՔԻ ՄԱՐԶՈՒՄ
21.10.2014
Այսօր ՀՀ Սյունիքի մարզպետ Սուրիկ Խաչատրյանը հանդիպել է ջրամատակարարման ոլորտում ինժեներախորհրդատվական գործունեություն ծավալող <<Ջինջ>> ընկերության տնօրեն Էդուարդ Մեսրոպյանի և ինժեներ Ահարոն Դավթյանի հետ: Նրանք ներկայացնում են <<Ամերիկահայ ճարտարապետներ և ինժեներներ>> բարեգործական միության ծրագրերը ջրամատակարարման բնագավառում և նպատակ ունեն ուսումնասիրել Եղվարդ, Խդրանց, Ուժանիս, Ագարակ գյուղերի ջրամատակարարման կարգավորման աշխատանքների համար պահանջվող ֆինանսական ծախսերը:
Մարզպետ Սուրիկ Խաչատրյանը խոստացավ իր իրավասության սահմաններում անել հնարավորը ծրագրին աջակցելու համար: Նրա առաջարկությամբ նշված գյուղական համայնքների շարքում ավելացվեց նաև Ճակատեն գյուղը, որը կարիք ունի 8կմ երկարությամբ ակունքից մինչև գյուղ հասնող ջրագծի անցկացման: Մարզպետը հանդես եկավ մի շարք այլ գործնական առաջարկներով, ներկայացրեց բիզնես ներդրումների հնարավորությունները աղբահանության, աղբի վերամշակման և կեղտաջրերի մաքրման ոլորտներում, նշելով որ այդ պարագայում ամերիկահայ ազգակիցների հետ գործակցությունը կլինի առավել ընդգրկուն և արդյունավետ: