Սյունիքի մարզպետի աշխատակազմ

Հոկտեմբերի 16-ից 18-ը ՀՀ Սյունիքի մարզպետարանի կրթության, մշակույթի և սպորտի վարչության գլխավոր մասնագետ Վովա Այվազյանի գլխավորությամբ Սյունիքի մարզի թիմը ներկայացել է ՀՀ Ազգային ժողովի գավաթի խաղարկության եզրափակիչ փուլին: Սյունիքի մարզից եզրափակիչ փուլին մասնակցում էին 4-րդ, 5-րդ և 6-րդ դասարանների աշակերտներ` Կապանի թիվ 1դպրոցից (ուսուցիչ Վ. Հայարապետյան), 13 հիմնական դպրոցից (ուսուցիչ Ս. Մինասյան) և թիվ 3 միջնակարգ դպրոցից (ուսուցիչ Ք. Գաբրիելյան):
Երկօրյա պայքարի արդյունքում թիմը գրավել է առաջին տեղը, արժանանալով Ազգայի ժողովի գավաթին: Թիմերը մրցել են վազք (60մ, 500մ), ձգումներ, հեռացատկ, գնդակի նետում և փոխանցումավազք մարզաձևերում: Իրենց խմբերում լավագույնը լինելու համար թիմի բոլոր մարզիկները արժանացան պատվոգրերի, իսկ լավագույն արդյունքներ ցույց տված մարզիկներին շնորհվեցին գավաթներ:
Ընդհանուր առմամբ Սյունիքի մարզի թիմը արժանացավ 7 գավաթի, բոլոր մարզերի մեջ ցուցաբերելով լավագույն արդյունքը: