Սյունիքի մարզպետի աշխատակազմ

Հայոց ցեղասպանության 100-րդ տարելիցին նվիրված համայնքային միջոցառումների շրջանակներում ապրիլի 17-ին Կապան քաղաքում հայտարարվել է համաքաղաքային շաբաթօրյակ:
ՀՀ Սյունիքի մարզպետարանի աշխատակազմը ակտիվ մասնակցություն ունեցավ միջոցառմանը: Աշխատակիցները մաքրել են մարզպետարանի հարակից տարածքը, փխրեցրել շրջակա ծառերի բունը, ձևավորել թփերը, ծաղիկներ ցանել:

Ապրիլի 18-ին Հայոց ցեղասպանության 100-րդ տարելիցի համայնքային միջոցառումների շրջանակում մարզպետարանի աշխատակիցները մասնակցեցին նաև ծառատունկին: Սյունիք գյուղական համայնքում գտնվող քաղաքային գերեզմանատանը հարակից մայրուղու երկայնքով տնկվեցին շագանակենիներ: