Տեղեկատվական կենտրոն
Նորություններ
ԽՈՐՀՐԴԱԿՑՈՒԹՅՈՒՆ ԳՈՐԻՍՈՒՄ ԶՈՐԱՀԱՎԱՔԱՅԻՆ ՆԱԽԱՊԱՏՐԱՍՏՈՒԹՅԱՆ ՀԱՐՑԵՐԻ ՎԵՐԱԲԵՐՅԱԼ
05.05.2015
Ապրիլի 30-ին ՀՀ Սյունիքի մարզպետ Սուրիկ Խաչատրյանը Գորիսի քաղաքապետարանի նիստերի դահլիճում ացկացրեց աշխատանքային խորհրդակցություն: Մասնակցում էին Գորիսի և Սիսիանի տարածաշրջանների քաղաքային և գյուղական համայնքների, զինկոմիսարիատների և իրավապահ մարմինների ղեկավարներ:
Խորհրդակցության ընթացքում քննարկվեցին մարզի զորահավաքային նախապատրաստության պլանով նախատեսված միջոցառումները հավուր պատշաճի կազմակերպելու և ընթացիկ ամսում անցկացվելիք զորավարժություններին վերաբերող հարցեր: Մարզպետը կարևորեց զորավարժություններին մարզի պատշաճ մակարդակով մասնակցությունը և կազմակերպումը:
Մարզպետ Ս. Խաչատրյանը հանգամանորեն ծանոթացավ կատարված աշխատանքներին, առկա խնդիրներին:Նա տվեց նաև մի շարք հանձնարարականներ, այդ թվում՝ սեղմ ժամկետում տրանսպորտային միջոցների տեխնիկական զննություն անցկացնելու անհրաժեշտության մասին:
Օգտվելով առիթից, համայնքների ղեկավարները բարձրացրեցին իրենց հուզող խնդիրները, անդրադարձան նաև Հայրենական մեծ պատերազմի հաղթանակի, Շուշիի ազատագրման և Երկրապահի օրվա միջոցառումներին վերաբերող կազմակերպչական հարցերի: