Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՆԱԽԱԳԱՀԻ ՄՐՑԱՆԱԿԻ ՀԱՄԱՐ
29.06.2015
Հունիսի 28-ին Քաջարան քաղաքային համայնքի նորակառույց մարզահամալիրում տեղի ունեցավ Հայաստանի Հանրապետության նախագահի մրցանակի համար <<Լավագույն մարզական ընտանիք>> մրցույթի մարզային փուլը: Մրցույթին մասնակցում էր Կապան, Քաջարան, Սիսիան և Մեղրի քաղաքային համայնքների առաջին փուլում մրցանակային տեղեր զբաղեցրած 34 ընտանիք:
Մրցույթն սկսվեց Տեր Շիրակ քահանայի օրհնությամբ: Մասնակիցներին ուղջունեցին և հաջողություն մաղթեցին Քաջարանի քաղաքապետ Վ. Գևորգյանը, ՀՀ Սյունիքի մարզպետարանի աշխատակազմի կրթության վարչության մշակույթի և սպորտի բաժնի պետ Ս. Դավթյանը:
Մրցույթի գլխավոր մրցավարն էր Գ. Ստեփանյանը: Մասնակիցները մրցել են բասկետբոլի գնդակի նետում, խաղային փոխանցումավազք (30մ), խաղային փոխանցումավազք թենիսի գնդակներով, խաղային փոխանցումավազք (80մ), հրաձգություն, հավաքիր <<ՀԱՂԹԱՆԱԿ>> բառը մարզաձևերում:
Տարիքային չորս խմբերում մրցանակային տեղեր զբաղեցրած մասնակիցներին տրվեցին պատվոգրեր և դրամական պարգևներ:
