Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԸՆՏՐՎԵԼ Է ՍՅՈՒՆԻՔԻ ՄԱՐԶԻ ՇԱԽՄԱՏԻ ՖԵԴԵՐԱՑԻԱՅԻ ՆՈՐ ՆԱԽԱԳԱՀ
29.07.2015
Հուլիսի 29-ին Գորիսի Ա.Օրդյանի անվան շախմատի դպրոցում տեղի ունեցավ Սյունիքի մարզի շախմատի ֆեդերացիայի արտահերթ նիստը, որին մասնակցում էր ֆեդերացիայի 15 անդամից 10-ը:
Բավարարեց Մաքսիմ Հակոբյանի խնդրանքը՝ մարզի շախմատի ֆեդերացիայի նախագահի պարտականություներից իրեն ազատելու մասին:
Սյունիքի մարզպետ Սուրիկ Խաչատրյանը և Հայաստանի շախմատի ֆեդերացիայի փոխնախագահ, ճանաչված գրոսմայստեր Սմբատ Լպուտյանը շնորհակալություն հայտնեցին Մաքսիմ Հակոբյանին՝ ֆեդերացիայի նախագահի պաշտոնը տարիներ շարունակ հաջողությամբ վարելու համար:
Սյունիքի մարզի շախմատի ֆեդերացիայի նոր նախագահ ընտրվեց «Զանգեզուրի պղնձամոլիբդենային կոմբինատ» ՓԲ ընկերության վարչական տնօրեն Վահե Հակոբյանը, ով ֆեդերացիայի անդամներին և ֆեդերացիայի արտահերթ նիստի մասնակիցներին շնորհակալություն հայտնեց վստահության համար և հավաստիացրեց, որ իրենից կախված ամեն ինչ կանի շախմատը Սյունիքի մարզում էլ ավելի զարգացնելու համար:
Այնուհետև ծավալվեց մտքերի աշխույժ փոխանակություն Սյունիքի մարզում շախմատի դրվածքի և դրա հետագա մասսայականացման շուրջ:
Սյունիքի մարզի շախմատի ֆեդերացիայի արտահերթ նիստին մասնակցում էին նաև Կապանի, Գորիսի, Մեղրու և Ագարակի քաղաքային համայնքների ղեկավարներ Աշոտ Հայրապետյանը, Վաչագան Ադունցը, Արշավիր Հովհաննիսյանը և Մխիթար Զաքարյանը:
