Տեղեկատվական կենտրոն
Նորություններ
ԽՈՐՀՐԴԱԿՑՈՒԹՅՈՒՆ՝ ԿԱՊԱՆԻ ՏԱՐԱԾԱՇՐՋԱՆԻ ՀԱՄԱՅՆՔՆԵՐԻ ՂԵԿԱՎԱՐՆԵՐԻ ՄԱՍՆԱԿՑՈՒԹՅԱՄԲ
13.08.2015
ՀՀ Սյունիքի մարզպետ Սուրիկ Խաչատրյանի մոտ այսօր Կապանի տարածաշրջանի համայնքապետերի մասնակցությամբ հրավիրված խորհրդակցությանը քննարկվեցին համայնքներում սեփական եկամուտների հավաքագրմանը վերաբերող հարցեր:
Մարզպետարանի աշխատակազմի ֆինանսական և սոցիալ-տնտեսական զարգացման վարչության պետ Հարություն Հովհաննիսյանը զեկուցեց, որ առանձին համայնքներում կան թերացումներ:
Մարզպետ Ս. Խաչատրյանի առաջարկությամբ սեփական եկամուտների հավաքագրման ցածր ցուցանիշներ ունեցող յուրաքանչյուր համայնքի ղեկավար ներկայացրեց վերջին մեկ շաբաթվա ընթացքում կատարված հավաքագրումների արդյունքները և սեղմ ժամկետում 100 տոկոս կատարողական ապահովելու հնարավորությունները: Մարզպետը համայնքապետերի կողմից արված պարզաբանումները լսելուց հետո հորդորեց նրանց ամենօրյա հետևողական աշխատանք տանել հավաքագրման ցուցանիշներն առաջիկա շաբաթվա ընթացքում բարելավելու ուղղությամբ:
Խորհրդակցության ընթացքում քննարկվեցին նաև Կապանում հրդեհավտանգության հետ կապված հարցեր, որի մասին համառոտ տեղեկություններ ներկայացրեց ՀՀ ՏԿԱԻՆ Սյունիքի մարզի փրկարարական վարչության պետ Բագրատ Զաքարյանը:
Մարզպետն առաջարկեց, մինչև եղանակային պայմանների փոփոխությունը, հրդեհներից խուսափելու համար համայնքներում սահմանել հերթապահություն:
Խորհրդակցությանը քննարվեցին նաև ընթացիկ այլ հարցեր, որոնք վերաբերում էին համայնքային ճանապարհների և շենք-շինությունների տանիքների վերանորոգմանը, ջրահեռացման համակարգին: