Սյունիքի մարզպետի աշխատակազմ

Օգոստոսի 13-ին ՀՀ Սյունիքի մարզպետ Ս. Խաչատրյանն ընդունել է <<Ուսանողական ամառ- 2015>> միջոցառման մասնակից ուսանողներին:
Հանդիպման ընթացքում ծավալված հարց ու պատասխանի ընթացքում ուսանողներին հիմնականում հետաքրքրում էին տարածքային կառավարմանը և տեղական ինքնակառավարմանն առնչվող հարցեր: Ուսանողները նաև հետաքրքրվեցին մարզի զարգացման հեռանկարային ծրագրերով:
Մարզպետ Ս. Խաչատրյանն իր գոհունակությունն է հայտնել ուսանողներին ակտիվ գործունեության համար և նշել, որ երիտասարդության եռանդուն ջանքերի շնորհիվ է նաև պայմանավորված մեր պետականության ամրությունն ու հայրենիքի հզորությունը:
Ս. Խաչատրյանը կարևորել է երիտասարդների դերն ու նրանց հայրենանվեր գործունեությունը մեր պետականության կերտման ու զարգացման գործում:
Օգոստոսի 13-ը <<Ուսանողական ամառ- 2015>> միջոցառման կանոնակարգով նախատեսված է <<Ուսանողական կառավարման օր>>: Ուսանողները կառավարման գործառույթներ պետք է իրականացնեին տարածքային կառավարման և տեղական ինքնակառավարման մակարդակով: Տարածքային կառավարման մարմնի ղեկավար մարզպետ Ս. Խաչատրյանը մինչև աշխատանքային օրվա ավարտը տարածքային կառավարման լիարժեքությունն ապահովելու նպատակով իր տեղը զիջեց Երևանի բժշկական համալսարանի 3-րդ կուրսի ուսանող Թաթուլ Գևորգյանին, ծանոթացրեց մարզպետի աշխատանքային ժամանակացույցին,օրվա և առաջիկա անելիքներին: