Տեղեկատվական կենտրոն
Նորություններ
ՀԵՐՔՈՒՄ
26.08.2015
<<Newsbook.am>> էլեկտրոնային կայքում օգոստոսի 25-ին հրապարակված տեղեկատվությունն այն մասին, թե օրերս Սյունիքի մարզի Սիսիան քաղաքում միջադեպ է եղել բարձրաստիճան պաշտոնյաների մասնակցությամբ, որի արդյունքում տեղի է ունեցել ծեծկռտուք, սուտ է և չի համապատասխանում իրականությանը:
Ինչ վերաբերում է Սիսիանի քաղաքապետարանում կայացած հանդիպմանը, նշենք, որ ՀՀ Սյունիքի մարզպետ Սուրիկ Խաչատրյանն այդ օրը քաղաքապետարանում չի եղել, այլ աշխատանքային շրջայցեր է կատարել Սիսիանի տարածաշրջանում, <<Հայջրմուղկոյուղի>> ՓԲ ընկերության հարավային մասնաճյուղի տնօրեն Ջիվան Մարգարյանի և Սիսիանի քաղաքապետ Աղասի Հակոբջանյանի հետ քննարկել ջրահեռացման, նոր ջրագծերի և ճանապարհների ասֆալտապատման հետ կապված հարցեր:
Ասվածին հավելենք, որ Սիսիանի տարածաշրջանում և, մասնավորապես, Սիսիան քաղաքում կատարվում են ավելի քան 3 մլրդ դրամի շինարարական աշխատանքներ, որոնք մշտապես գտնվում են մարզպետի ուշադրության և հոգածության ներքո: Տարակուսելի է, որ առողջ քննարկումն ու աշխատանքների հետագա ծրագրավորումը չի հրապարակվում, ավելին՝ այն որակվում է որպես կաբինետային ծեծկռտուք: