Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՍՅՈՒՆԻՔԻ ՄԱՐԶՊԵՏ ՍՈՒՐԻԿ ԽԱՉԱՏՐՅԱՆԻ ՈՒՂԵՐՁԸ ՍԵՊՏԵՄԲԵՐԻ 1- Ի՝ ԳԻՏԵԼԻՔԻ,ԳՐԻ ԵՎ ԴՊՐՈՒԹՅԱՆ ՕՐՎԱ ԱՌԻԹՈՎ
31.08.2015
Սիրելիՙ աշակերտներ, ուսուցիչներ և ծնողներ,
Հարգելիՙ ուսանողներ և դասախոսներ,
Շնորհավորում եմ ձեզ Գիտելիքի, գրի և դպրության օրվա ու ուսումնական տարվա մեկնարկի առիթով:Սեպտեմբերի 1-ի խորհուրդը ազգովի ուխտագնացություն է դեպի մեր գիտակրթական արժեքներն ու արմատները: Դեպի լույսի ու գիտելիքի աղբյուրը տանող ճանապարհի նորովի ընկալմամբ էլ սկսելու ենք այս խորհրդավոր օրը:
Սյունիքի մարզը հարուստ է կրթության ազգային ավանդույթներով, և այս հնագույն լեռնաշխարհում են բացվել առաջին մեսրոպյան դպրոցներն ու վարդապետարանները: Մեր պապերն իրենց գոյության հերոսական պայքարում մաքառել են զենքով ու գիտելիքով` մշտապես բարձր գնահատելով գիտուն դպիրներին ու շնորհաշատ աշակերտներին: Պատմության բոլոր մարտահրավերները սյունեցին հաղթահարել է ոչ միայն զենքով, այլև գիտելիքի ու հոգու արիությամբ:
Սիրելիՙ դպրոցականներ, ուսանողներ, մաղթում եմ ձեզ բարձր առաջադիմություն և կամք՝ հաղթահարելու գիտելիքի անսահման աշխարհը նվաճելու դժվարությունները:
Հատկապես շնորհավորում եմ Սյունիքի բոլոր այն մանուկներին, ովքեր առաջին անգամ են ոտք դնում դպրոց: Մեծարանքի ու հարգանքի արժանի մեր մանկավարժներին, ում վստահվում է սերունդների կրթության ու դաստիարակության դժվարին գործը, հաջողություններ եմ մաղթում իրենց շնորհակալ ու հայրենանվեր աշխատանքում:
Այսօր, արագ փոփոխվող ու զարգացող աշխարհում, գիտելիքն ու կրթությունը ամենաթանկ արժեքներն են, մարդկային առաջընթացի ամենակարևոր նախապայմանները:
Անկախ պետականության մեր օրերում էլ սյունեցին գիտության և կրթության ասպարեզներում ունի իր ծանրակշիռ տեղն ու դերը:
Շնորհավորելով Սյունիքի դպրոցականներին, ուսանողներին, մանկավարժներին և ծնողներին նոր ուսումնական տարվա մեկնարկի ու գիտելիքի օրվա կապակցությամբ՝ մաղթում եմ բարձր առաջադիմություն ու գիտակրթական ձեռքբերումներ:
ՀՀ Սյունիքի մարզպետ Ս. Խաչատրյան
