Տեղեկատվական կենտրոն
Նորություններ
ՄԱՐԶՊԵՏ Ս. ԽԱՉԱՏՐՅԱՆԸ ՇՆՈՐՀԱՎՈՐԵԼ Է ԱՆԱՀԻՏ ՄԻՆԱՍՅԱՆԻՆ՝ ՎԱՍՏԱԿԱՎՈՐ ՄԱՆԿԱՎԱՐԺԻ ԿՈՉՄԱՆՆ ԱՐԺԱՆԱՆԱԼՈՒ ԿԱՊԱԿՑՈՒԹՅԱՄԲ
23.09.2015
ՀՀ Սյունիքի մարզպետ Սուրիկ Խաչատրյանն ընդունել է ՀՀ Նախագահի կողմից Հայաստանի անկախության 24-րդ տարեդարձի կապակցությամբ վաստակավոր մանկավարժի կոչմանն արժանացած Կապանի թիվ 1 հիմնական դպրոցի աշխարհագրության ուսուցիչ Անահիտ Մինասյանին:
Մարզպետը շնորհավորել է վաստակավոր մանկավարժին, նշել, որ մենք պետք է քաջ գիտակցենք, որ մեր երկրի առաջընթացի և հաջողությունների համար անհրաժեշտ է ճանաչել, գնահատել և խրախուսել արժանավորներին:
Կարևորելով կրթական բարեփոխումների, նոր սերնդի կրթության և քաղաքացու ձևավորման արդի պահանջների իրականցման գործընթացներում մանկավարժի դերակատարությունն ու աշխատանքը` Ս. Խաչատրյանը նշել է, որ մեր ժողովուրդը միշտ բարձր է գնահատել առաքինի սերունդներ կերտելու գործում ուսուցչի ավանդն ու դերը:
Ա. Մինասյանը շնորհակալություն է հայտնել մարզպետին ջերմ ընդունելության և բարեմաղթանքների համար և նշել, որ կոչումը մարդու նկատմամբ ամենամնայուն վերաբերմունքն է գործին նվիրյալի համար:
Մարզպետը Ա. Մինասյանին մաղթել է ամուր առողջություն, անսպառ եռանդ ու նորանոր հաջողություններ մանկավարժական գործունեության մեջ: