Տեղեկատվական կենտրոն
Նորություններ
ԲՌՆԱԿՈԹՈՒՄ ՆՇԵԼ ԵՆ ՀԱՄԱՅՆՔԻ ՕՐԸ
25.10.2015
Սիսիանի տարածաշրջանի Բռնակոթ համայնքում արդեն երրորդ տարին է նշում են համայնքի օրը: ՀՀ Սյունիքի մարզպետի տեղակալ Վ. Գրիգորյանը հոկտեմբերի 24-ին մասնակցել է համայնքի օրվան նվիրված միջոցառմանը, որն այս տարի նշանավորվեց համերգային ծրագրով: Տոնական տրամադրություն էր ողջ համայնքում: Ելույթներով հանդես եկան Սիսիանի ժողովրդական գործիքների համույթը, գյուղի դպրոցականները: Մինչ այդ գյուղացիները հարգանքի տուրք են մատուցել և ծաղիկներ խոնարհել Հայրենական մեծ պատերազմում և Արցախում նահատակված հայորդիների հուշակոթողներին:
Օրը նաև լավ առիթ էր գյուղապետի համար՝ բնակչության առաջ հաշվետվությամբ հանդես գալու: Այս տարի ամբողջ գյուղն ապահովվել է խմելու ջրով. նախկին 8 ժամի փոխարեն հիմա ջրամատակարարումը Բռնակոթում շուրջօրյա է, նաև բարելավվել է ջրի որակը։ Նորոգման ու բարեկարգման իրենց հերթին են սպասում գյուղի դպրոցն ու մանկապարտեզը։