Տեղեկատվական կենտրոն
Նորություններ
<<ՊԱՏՎԱՎՈՐ ՍՅՈՒՆԵՑՈՒ>> ԿՈՉՈՒՄ Է ՇՆՈՐՀՎԵԼ ԳԵՆԵՐԱԼ- ԼԵՅՏԵՆԱՆՏ ԷԴԻԿ ԲԱՐՍԵՂՅԱՆԻՆ
11.01.2016
Այսօր ՀՀ Սյունիքի մարզպետ Սուրիկ Խաչատրյանի հրավերով ՀՀ Սյունիքի մարզպետարան էր այցելել գեներալ-լեյտենանտ, 2000-2004 թվականներին ՀՀ Սյունիքի մարզպետ Էդիկ Բարսեղյանը, որին շնորհվեց <<Պատվավոր սյունեցու>> կոչում:
ՀՀ Սյունիքի մարզպետ Սուրիկ Խաչատրյանի խոսքով՝ կոչումը գեներալ-լեյտենանտին շնորհվում է Արցախյան ազատամարտի ընթացքում Հայաստանի Հանրապետության Սյունիքի մարզի սահմանների պաշտպանության ակտիվ մասնակցության և մարզի զարգացման գործում մատուցած ծառայությունների համար: Մարզպետը նաև նշեց, որ այս կոչումը նույնիսկ ուշացած կարելի է համարել, քանի որ Էդիկ Բարսեղյանը Սյունիքի նկատմամբ իր բարյացակամ վերաբերմունքով ու հարգանքով միշտ էլ ոգևորել է սյունեցիներին:
Էդիկ Բարսեղյանն իր երախտագիտությունը հայտնեց և նշեց, որ բազմաթիվ պարգևներ է ստացել, բայց ամենաթանկ ու կարևոր կոչումը շնորհվեց այսօր: Նա հավելեց, որ իսկապես մեծ պատիվ է և միևնույն ժամանակ պարտավորեցնող, նույնիսկ ավելին, քան ամբողջ ծառայողական գործունեության համար ստացած որևէ պարգև: Էդիկ Բարսեղյանը նաև հավաստիացրեց, որ իր հնարավորությունների սահմաններում այսուհետ էլ շարունակելու է նպաստել մարզի բարօրությանը: