Տեղեկատվական կենտրոն
Նորություններ
ՁՆԱԲՔԻՑ ԴՈՒՐՍ ԵՆ ԲԵՐՎԵԼ ՏԱՍՆՅԱԿ ՄԵՔԵՆԱՆԵՐ
02.02.2016
Փետրվարի 2-ին սաստիկ բքի պատճառով արտակարգ իրավիճակ էր ստեղծվել Երևան-Մեղրի ավտոճանապարհի Գորիս-Սիսիան հատվածում: Ըստ ՀՀ ՏԿԱԻՆ Սյունիքի մարզային փրկարարական վարչության տեղեկատվության` փրկարարական աշխատանքների արդյունքում 4 տասնյակից ավելի մեքենաներ դուրս են բերվել ձնաբքից: Փրկարարական և ճանապարհի մաքրման աշխատանքները դժվարանում էին ձնաբքի, ուժեղ քամու և ցածր տեսանելիության հետևանքով: Դեպքի վայրում էր ՀՀ Սյունիքի մարզպետ Սուրիկ Խաչատրյանը, ով անձամբ է ղեկավարել փրկարարական և ճանապարհի մաքրման աշխատանքները: Մարզպետը տեղում հետաքրքրվել է նաև ձնաբքի տակ մնացած ուղևորների որպիսությամբ, պատասխանատուների հետ քննարկել, թե հետագայում նման իրավիճակներից խուսափելու համար ինչ գործողություններ պետք է կատարել:
Փետրվարի 1-2-ին փրկարարական աշխատանքների ընթացքում Սիսիանի և Գորիսի հրշեջ-փրկարարները օգնություն են ցուցաբերել մոտ 200 տրանսպորտային միջոցի և 700 ուղևորների: