Սյունիքի մարզպետի աշխատակազմ

Փետրվարի 20-ից Կապանի <<Երեխաների խնամքի և պաշտպանության գիշերօթիկ հաստատություն>> ՊՈԱԿ-ում մեկնարկել և ընթանում է դպրոցականների առարկայական օլիմպիադաների մարզային (2-րդ) փուլը: Oլիմպիադայի մարզային փուլին մասնակցում են տարածքային փուլը հաղթահարած մարզի հանրակրթական դպրոցների 8-12-րդ դասարանների աշակերտները: Օլիմպիադայի ընթացքում մարզի դպրոցականներն իրենց գիտելիքները կփորձեն 16 առարկաներից: Այն անցկացվում է ՀՀ Սյունիքի մարզպետարանի աշխատակազմի կրթության, մշակույթի և սպորտի վարչության մասնագետների հսկողությամբ: Դպրոցականների առարկայական օլիմպիադաների մարզային փուլը կավարտվի մարտի 9-ին:
Տեղեկացնենք, որ օլիմպիադաների ժամանակացույցին ու արդյունքներին կարող եք ծանոթանալ www.olymp.am կայքից: